Sasakupin ko ang buong MUNDO!!!!
Bakit kaya walang nagtangkang magsulat ng istorya tungkol sa isang kontrabida, yung tipong sya naman yung focus ng buong istorya, at hindi pang isang episode lang? Na tipong binubugbog sya ng bida, tapos magiging sikat ang nakahuli sa kanila at sila e maiiwanan sa kulungan….
Nung mga nakaraang araw, kapag may free time ako, nagfofocus akong gumawa ng character para sa “future” komiks ko (which is malabong mangyari dahil wala pa akong karanasan sa paggawa ng komiks) na ako lang ang gagawa ng istorya, ako lang ang magdodrawing, ako lang din ang magkukulay (kung kaya ko din) at ako lang din ang magbabasa.
Pero lately, dahil sa pagkakaroon ng meteor shower nung nakaraang linggo, biglang nagbago ang takbo ng buhay ko. Mali ang iniisip nyo…… hindi ako binagsakan ng isang meteorite at nagkaroon ako ng espesyal na kapangyarihan dahilan para masakop ko ang buong mundo, napansin ko na ang tingin pala sa kin ng ibang tao ay isang kasuklamsuklam na nilalang. Dahil siguro sa pagiging sarcastic at prangka ko lately na ikinataka at kinagalit nila. Para tuloy akong kontrabida sa isang pelikula, lalu na nung panahong gusto kong tumulong pero iba inisip ng dapat na tutulungan ko, tapos bubusitin ka pa ng boss mo at tatambakan ka ng trabaho, sasabayan pa ng taong mahal mo na magagalit sayu, ayus…. naramdaman ko na ang naramdaman ni Paquito Diaz sa isa sa mga pelikula ni Da Boy!
Naisip ko, sayang, may mga tao talagang bobo sa math, parang:
10 tulongs + 1 Mistake = -10 -> AYUS! dinaig si Einstein!
Ang hirap tuloy gumawa ng mabuti, kaya minsan, panindigan na lang to….. at sasakupin ko ang mundo!
