Panaginip - Ang Pagpikit (panimula)
Nagsimula ang mga taong mangarap nung sila’y mapunta sa isang lugar na mararating lamang sa pamamagitan ng pagpikit ng mata at pagpapalaya sa isipan sa kalawakang puno ng katotohanan, tinatawag natin itong, “Panaginip”. Lumikha ang tao ng isang paraan para mapalapit sa mundong ito, ito ay ang mga “console games”, na ngayon ay unti unting nagbabago, nagsimula sa simple, na naging komplikado na unti unti namang nakakamit ang pagpasok sa lugar kung saan makita ng tao ang katotohanan sa likod ng bawat imahinasyon ng lahat ng nilalang na nakakapunta dito…..
Sumikat ang isang laro sa buong mundo na tinatawag na “Dreams Online”, dito mo magagawa lahat ng gusto mo na parang nananaginip ka lang. Lahat pwedeng maglaro nito, kahit uugod ugod na matanda magiging kasing lakas ni superman! Magsisimula ang laro sa pagpasok mo sa isang tube na automatic na iiinstall sa bahay nyo pagnakapagregister ka. Ang tube na yun ang magiging koneksyon mo mula sa bahay mo sa mundo papunta sa isang planeta ng isang generator na tinatawag na “Mind Reactor” na gumagawa ng isang malaking field para magawa mo ang mga gusto mong gawin sa loob ng planeta.
Maynila taong 2103, isang lugar na hindi masyadong natatampok sa kahit anong palabas dahil mas sikat ang Japan at Amerika. Si Mike, isang ordinaryong estudyante ng isa sa mga kilalang unibersidad, tuwing weekend lang sya naglalaro, dahil sa medyo busy din ang buhay estudyante. Buong buhay nya, naghahanap sya ng adventure, gusto nyang maranasan ang lahat ng saya kapag naglalakbay ka sa isang lugar na hindi mo alam.
Summer sa Pilipinas, mainit, at as usual mausok nanaman sa buong lugar ng NeoManila. Sa isang liblib na lugar sa NeoPasig, nagising si Mike sa isang palabas sa TV:
“Ang Dreams Online ay bubuksan na sa darating na linggong ito! Ilulunsad ang bagong lugar na tinatawag na “Ines Kannoyan”. Kasama dito ang malawakang paghahanap sa Puso ni Lam-Ang”
“This commercial is brought to you by Lucky Me Galactic Noodles! Ang Noodles na peyborit ng lahat pati mga Marsyan! now available in Chocolate Flavor!”
Dali daling tinawagan nito ang matalik na kaibigan na si Gabby at gumawa ng instant video conferencing para ibalita ang narinig sa TV.
Mike: “Yo Guys may bagong laro!!!! try natin bukas!”
Gabby: “OO! bahahahaha! so ano kita kits na lang sa NewMakati sa Bukas?”
Mike: “SIGE! nasabihan mo na ba yung iba? eksayted na ko dito!”
Gabby: “Akong bahala bukas, nga pala, have you heard of the rumors? Dun sa bagong diskubreng planeta kung san daw nakainstall yung DO, madami daw talagang nakakahindik na pangitain, what I’m trying to say, marami pa tayong madidiskubreng lihim dun.”
Mike: “EKSAYTING! sana walang weirdong matanda nanaman na sasabay sa tin..”
At kapwa natulog na ang dalawang matalik na magkaibigan, Nasa isip ang isang matinding adventure na darating sa kanila, unti unti nilang pinahinga ang mga sarili at pinikit ang mata para sa kanilang paggising, haharap na sa kanila ang araw na hindi nagbabago, at sasabak sila sa bagong mundo kung saan, lahat ng pangarap ng isang ordinaryong tao ay naabot lang sa loob ng ilang segundo!
itutuloy…
