UY! Toblerone!!!
Naimbita ako para sa isang convention ng mga bloggers nung Martes ng gabi, sponsored daw ng Toblerone, wow! Matagal na din akong hindi nakakapagsulat ng blog, medyo magiisang taon na din. Ewan ko ba, minsan may maiisip akong topic, tapos mamaya konti, mawawala na din ung interes kong isulat yun. Kaya naisipan kong sumama, para magenjoy at magbakasakaling makakita ng topic ko para maisulat.
Nagkita kita na kami sa venue na malapit lang pala, nagkanda ligaw ligaw pa muna ako bago ko makita ung sinasabi ng kaibigan kong RJ Bar. Pagpasok namin, medyo nanibago ako, hindi ko alam kung anu ang gagawin ko sa loob ng convention na yun, nakakakaba pero eksayting. Umakyat kami at naghanap ng pwesto dahil magsisimula na daw ang palabas, sabi ng isang kaibigan. Nakahanap kami ng pwesto sa sulok, malayo sa main stage, para iwas instant interview. Nakinig ako sa mga sagot ng ibang kabataan at mga tao na ininterview nila at pinalabas dun sa dambuhalang tv sa stage. Maraming nagpasalamat sa mga sikat na tao, sa kanilang mga magulang, mga kaibigan at kay Manny Paqcuiao. Ang tema ng convention ay tungkol sa pasasalamat. Nung nagsimula ang palabas, biglang pumasok sa isip ko ang tanong na kung sino ang ating dapat pasalamatan, sa lahat ng mga nangyayari?
Maraming nangyayari sa atin, at sa mundo, maraming pwedeng sisihin, maraming pwedeng pasalamatan at maraming pwedeng baliwalain na lang. Araw araw, nagiisip tayo, nagdedesisyon, at gumagalaw para mabuhay, parang commercial lang ng isang vitamins sa tv. Mabilis ang paglipas ng oras, pero sa paglipas nito, naisipan mo na bang tumigil at magsabi ng salamat sa isang taong nakatulong sayu ng todo todo? Sabi nga ng iba, madaling magsinungaling kesa magsabi ng pasasalamat, madaling kalimutan na lang ang lahat kesa magpasalamat. Masarap sa pakiramdam ang magpasalamat at makuntento pero hindi ko alam kung bakit hirap nitong gawin minsan. Ika nga ng sabi ng tatay ko: “wag mo ng isipin kung sino at kung ano ang nangyari, kung sasabihin mo, sabihin mo na, mahirap pigilan yan, sa iba nalabas yan”, tama nga sya, kaya…
MARAMING SALAMAT SA INYUNG LAHAT!!!!!
ps: Kung si John Lloyd may Biogesic for Ingat, kami, may Toblerone for Thank you!
Visit this site (National Thank You Day Philippines) http://thankyoudayphilippines.com
